- Vungzamuan Valte | Friday, 31 August 2012 12:06 | Vungzamuan Valte | Hits: 1490
Koihhoih pawl om leh bang achi dia, huihkhua a lengmang maimai lou ding in.1. Pasal khat in a zizi thau salua inchin, lupchi`a om venvon maimah chi, zizi toh phalbi khovot nuai a blanket kikop zaw I kikar a huihpi nung huauhuau ahi, a nunga the-banga I bet tiitee di ahih kei ngal-leh, chidan ahi.
2. Papi khat toh nupi khat kihou, pasal penin Heutupa Tunson koi a sem ahi chi, nupi`n FEVICOL ah chi, pasalpen in a naak manchina duakduak e, EFICOR achihna hizawmah.
3. Papi khat in nupi khat kianga na pa uh koi office a kai ahi chia dong, a numei penin third flow-ver ah chi, pasalpan` chita duanduan in a, a paklun awm ve.
4. Pasalte nitaklam tukhawm liiliai, khat pa`n, zi neinawn dek ngeingei leng tuh, achih chiah leh a zi kongkhak a hong daak geugau, pasal pa`n le, ka zizi mah ka nei di.
5. Numei khat in a kisukkhak chianga, eh nanu su chikhanak, khatvei a pasal in zadah lawtel zaw hi dia, bangdia ka nu zahmoh na kou gige eita, na ut leh na nu su gen ve, chigega.
6. Pasal khat kikhawm khin biakin verandah a vandak eu-au kawm a, Sousial obligation pakhat chu zou kihinawn phot a, bawite tu`n koilam ah ikithrip dua le, chidan ahi.
7. Papi khat in a lawmte toh lunch break a ann ne ding chia tukual pempam uh, a lunch box a hon leh malta pumkhat anakigual ngeungau leltak.
8. Khatvei Delhi pasal khat in meh-namsia lunch dia pua, bawsakkha zaw hingei di, namse lawtel mahmah, a office kaipihte`n zusa puul om chia a office sungteng uh pheklekvek uh bangmah mutuanlou, daikhilkhial a lawmpa`n a bekanthu uih vivit ne miaumiau lel.
9. Khatvei office a mi khat in a lunch loupi ne phanphan, ka lawinu`n le tuni lunch hon bawlhoihsak namaizen e chisim geugau, office kaipih numei khat in a lunch box muzoulou, a omlaipen a hon chia nek di dan thei mahmah lou, a tawp a bua, mehpok hive`n vai-numei kulmut in a nethei mah di. Lawmpa lah paulou phunlou hial a a gilvah pingpeng zut hanhan zawmah.
10. Pasal khat in a zi simmohbawl deuh hiding hive`n, nana paikik maidiam chi, a zi`n tuphingphing in I ngaihzawng te`n pasal a neivekta kei dua chizeih, diklawtel zel.
11. Lawmta khat gamvak ua, khatpen singkung apat kin-gangdeuh a hong tuakkhia (kesuk), a lawmpa`n adu na hong kinkumngei chi, daktor kiensak uh, daktor pa`n bangchi kiak a achihleh, khat pa`n “sukkiak” chizawmah.
12. Khatvei mi khat intung apat kia hiveh aw, a lawmte`n veh ua, khatpen in lawma, hihna apat kiak toh inntung apat kiak koi ana zaw a, achih thahah leh nohdok ahi ziang mai.
13. Pasal khat in zi guksawm, a lawmte toh dawnkhawm ua phursang lakloh uh, a zi gukdi lamlam theinawnlou, mangngilh kha. A zizi di lungkham kisa dak 12 khawng satta ahih chia, a zudawnna ua vahoh, bangchi maimah e, ikiguk di la, vachi, apasal in le awle konzui mai di, chi.
14. Khatvei nupa a pawtnalam ua a pasal in khamlawtel mahmah, scooter a kipuak sawm uh, a nupi a nunga belh dekdak, inntekpa`n en vengveng kawm a, “numeite`n chu na pasalte muang tak nahi uh, chikawm a enliam vangvang, lungsim gimtak ahi di.
15. MP pu outhouse a nuambawm sa free om hiding hiven, pasalte va kisutuah khasek ua, beiseih nei chiatchiat chu, kitheisiam kawmtak leh kisuanglah simkawm a, ehem, “nang` na zouta hia?”, kichizeih zel uh achi ve ua. Carrom kap chikhempeuh, a guk a kigelkhe zeuhzeuh ua, MP pu bang amah chauh a tukha belbul sek chi uh.
16. Sungkuan khat le kuatehiam in ann nedia chial uh, phurdeuhmai a kuan nainai uh, a tuntak ua a chialtute intekpa`n inn kongkhak anahong, ann kanelakloh lai ua hiai ah anatu mai un aw, chigeih. A theihthak thak ua leh a chialtunu`n a chiallam anamangngilh.
17. Numei khat le haihotsim zaw hivenchin, office kai di cycle a tai vavauh, cycle shed a koihgaih, nitaklam a khe a pai baubau, inntun nunga theikhe nailo, a zingkar a phawksuah pan.
18. Nupi khat in annhuan zouta chia a sungkuante ann ne dia samkhawm, thumna le neikhin dimdem uh, cooker a hon ua leh tuivuak ana-om maimah, antang kha khalou hizawmah.
19. Papi nih thautuak mahmah Imphal a rickshaw a tuang uh, rickshaw pupa`n gik salua zaw hingei di hia, tamdeuh bill, khatpa`n asiam theihtawp a, lupa manga zaam e chi, rickshaw pupa`n le nangkhoi ani zaam lum e ne, achithahah leh “nang na lum e hai e, eigi nupi na lumteh hai e” chi.
20. Papi khat le sang lawtel mahmah, a zizi lah neu zawmah hiven, mi`n, na nupi a neu si a bangchi`n na lumkhawm ua, achih zenhouh ua leh aman`, khelam lou chu kakitan reng uh, chi.
21. Nupa khat le bazar kai ua a nupitoh scooter a tuang varvar uh hiveh aw, lampi a a lawmte tuakkha a khawlzual, huchia innlam zuan a tai varvar, lawmtawn a a zizi toh kihoulimtoutou uh, inn a tuntak a a tate`n papa ka nu la? Achih ua leh kuamah ana omlou maimah, ehehe, lamtawn a hong houlim zaw hi unga, koi a kia ahia kava en di chia kuankik vangvang, bazar apat a zizi hongpaitou ziahziah, akhai bangchidan ahia achih zenzen leh, hon ngailou na hi di chu, nangmah chauh a tai varvar hivechin chia pai babauh, hehhuai lawtel dia.
22. Papi khat le a zi ommoh lawtel mahmah, a zinpa khat toh kichukha uh hiveh aw, a thawm ging uh ngaikhe dide zawzen, a zinpa`n “kei a gol lua” chi inchin, a nupi`n le, “sathau nuh lechin Pak-sa in teh” chi. Zingkar beltak a intekpa thoukhia , maipum lianpipi tamtak bel a huanding a sawlta, a zi`n hiai zahzah bel ah takenteh achihleh apasal in sathau nuh lechin Pak-sa inteh, chizeih.
23. Naupangte`n Bible chang zir nainai uh,”Vahawmna a liangzang ah a tuang ding a…..” chi uh, apa`n, “bawite a dar ah chi ua a dar ah” chidan ahi.
24. Sande sikul naupangte`n, ke`n ka nu leh pa thumang chi khiukheu uh, heutunu`n pasal naupang khat kianga bangchidan in e chia dong, naupangin, “kei maw, ka nu`n khaini la dia honsawl chianga kuan pahpah”, chidan ahi.
25. Pau siamlouh le poithei lawzen a, rickhaw pu in sumneen lehdi ka neikei achih leh, pasal khat Delhi tungtung in, aw le ikimuh nawnchia`h aw, chizeih, koi a munawn di adiam a.
26. Pasal pilhuntawk kisa khat in Aizawl bazar a avan-zon muzou mahmah lou, beidong hithet a inntung, a sungte`n bang e na va zong chi`a dong uh, ama`n DUM chi, a mukei mah di chu.
27. Numei khat Aizawl a van leidia kuan, dawr neitu kiang a kapi mi`n hap roh achih zenzen leh, khatpen in “a naa ang a sin”, chidaih. Hon pet awh chih chu.
28. Bus ah midangte kianga khat in ka pu he bus hi khoi ah nge a khaam dawn chia dong, kua`man dawnglou, a kumna di a tuntak a hehehe, khaam o khaam o chi tuartuar, driver a khawl kei rengreng, Aizawl ah chu khaam chih kha tuklup theihna mun hidaih mai.
29. Mikhual khat in ann nekham pah, I va khamhma ve, I in thathlung em ni, chia dong uh, ama`n, ni e in thathlung eee, chivang vang zawmah. Na gil a vah a hia chi di sa hilai dep, kisuanglah chihna.
30. Mi`n na zintunna te`n bang hon mehpih ua le, chia a dot ua leh, gendidan om mahmah lou, Banhla ler a duai derder, chia dawng, nahtang lawk chu meh uh himaithei.
31. Kuahiam khat Silchar kholai a vialvak hiveh aw, kizuakte omna bulom tungkha, a taikhiak dek leh manbet uh, gendidan lah thei tuansam lou, kipek gunggung inchin a sana chu mang hiau, kan nawn ngam di lah hilo.
32. Nungak khat le kicheideuh a om, kihisak zawmah, kholai a vakzouphet, insung a limlang a kimelh deuhvel, a zahmoh zawn a khoih leh direct a khoihkha mawk, a khekorten dor kek, underpant lah tenglou, mi lak khong a kamkasak sengsung anahi maimah, lah kikheel der, makhai man chi.
33. Papi khat le nungak heel ching inchin, khatvei a nungak heelna a tapsak a puan kikhuh khat mu, kua na hia na puan hawk in chi gega, ngamkhat a puan kikhuh a laihkhiaksak zenzen leh a tapa pa nungak hel, apa honglut di ngaingamlou a kilukhuh anahi maimah, tuakfuh thou.
34. Lawmte khat in zi neihak law mahmah, a lawmte tate BA khong simta, ama tapa in bebebe chipan pan, bawi mutpuak theih lechin kon mutpuak ut, chidan ahi.
35. Delhi hohpanpan mikhat le nitak a khua lum salawtel mahmah, inntung a kahtou (terrace), mikhat analum derdar, maksalua hiding hiven en vangvang a abiang bengpuak chorh, innsung a tailut, khat pa`n le innsung a delh lut. A inntekpa anahi daih, nop tuak leiluai het kei maw.
36. Lawmta khat le kichouthei sim viau uh, khat pa SDO hiven, a lawmpa pen office tukverh/tawlet a va dak keukau, Khaikokam, en in hiai America tual ka sikna chia a khenuai valak, khatpen in office a gam lai bawl zialzial. America tual sikpa Imphal kholai a necktie ok kawm a slipper toh pai, a chetdan le tuam na e, chi`a changkang sa mahmah uh. K U ku K I Ki zaw gen dahmai ni. Tunitan a hia lawmta te kichouna beilou, kibuaisan deuhdeuh di bang maimah. Pildan tuam mahmah lel, khat pa`n Kuki gam bawl anahi der.
37. Tangval khat le bike a kikhoh varvar inchin, a headlight in nuailam kawk lawdeuh, police patrolling te phupuk zelzul, kitatkhiak ngaihna omlou, zep tualtual maimah uh, a tawp a sum neih teng laksak zawmah uh, pilva`n louh le phatuamlou taka hi.
38. Palsal khat in rickshawm lei venchin, a lawmpa Imphal kholai fan pih, lengtonghoih lei tung a kipeikipei maimah uh, RMC kong a nupi vanzuakte khong hawmdarh zelzul. Inn a tundek ua Chekon lak a siamsimta chi, a hekkoi ngaungau leh phkhri a tuaklut pih dup, a lamwpa`n maktheingei chileltak.
39. Tangval khat le nungak hel dia kuan, a numei omlou, a naute kia om, neulai ahichiang ua khongaihhuai sa, nitak zansawt tan a le numei tunglou lai, tangval pa`n a naute pawkhe zok inchin giahpih lemlum thahah. A khonunga a theih thakthak leh huchizel zel mah anahi uh.
40. Pa Thangvom toh U KKSiam kihouthei mahmah ua, birthday lawm di chia U Siam in sa va tawi, khat pa`n tunghaklua sa, na zangtang hia, achih thahah leh khatpa pai vengveng, kihounawn himhimlou hial uh, a sih tan un le a kihou lam uh kithei lou, pa tak ahituak uh chihna.
Khopi leh khoneu a I thil tuahte kikum le, a mangthang dia pammaih mahmah lawi om hi. Hehna dia laklouh hamham sawm ni. Hon share tei ua le.
